Бурабай аудандық соты шетелдік 12 азаматты жазаға тартты

29 просмотров

Ақмола облысы Бурабай аудандық соты еліміздің көші-қоны саласындағы заңнаманы бұзғаны үшін Грузия Республикасының 12 азаматына қатысты әкімшілік істерді қарады.

 

Сот анықтағандай, Грузия Республикасының 12 азаматы Қазақстан Республикасының аумағына келіп, Бурабай АІІБ-де уақытша тіркелген және келу мақсатын «жеке» деп көрсеткен. Шын мәнінде, шетелдік азаматтар жергілікті атқарушы органның рұқсатынсыз құрылыс объектісінде жұмыс істеген. Сөйтіп, олар Қазақстан Республикасы Үкіметінің «Көшіп келушілердің Қазақстан Республикасына келуі және онда болуы туралы»   қаулысының талаптарын бұзған, яғни заңсыз жұмыс істеген.

„Бурабай аудандық сотының қаулыларымен Грузия Республикасының азаматтары Әкімшілік құқық бұзушылық туралы Қазақстан Республикасы кодексінің 517-бабы 2, 5-бөліктерінде қарастырылған әкімшілік құқық бұзушылықтарды жасағаны үшін кінәлі деп танылып, сот әрқайсысына 7-ден 10 тәулікке дейін әкімшілік қамаққа алу түрінде жаза тағайындады„, — деп хабарлайды ҚР Жоғарғы сотының баспасөз қызметі.

Загрузка...