Болат Жәмішев ШЫҰ Банкаралық бірлестігі кеңесінің төрағасы болып сайланды

40 просмотров

Шанхай ынтымақтастық ұйымы банкаралық бірлестігі  кеңесін 2016 жылдың 26 қазанынан бастап «Қазақстанның Даму Банкі» АҚ басқарма төрағасы Болат Жәмішев басқарады. Бұл туралы Ташкент қаласында 23 маусымда өткен ШЫҰ банкаралық бірлестігі кеңесінің кезекті он екінші отырысында мәлім болды.

Бұл туралы Қазақстан даму банктің баспасөз қызметі хабарлады.

— Біз «Қазақстанның Даму Банктің» ШЫҰ банкаралық бірлестігіне төрағалық ететін кезеңін инвестициялық жобаларды қаржыландырудағы өзара іс-қимыл бастамалары түрінде іс жүзіндегі қамтумен толтыруды көздейміз, олар осы ұйым кеңістігіндегі, Жібек жолының экономикалық белдеуін дамытудағы экономикалық ынтымақтастықты нығайту ісіне өз үлесін қосады, — деді Болат Жәмішев.

Ол отырыста шикізаттық емес сектордағы қазақстандық экспорттаушыларды қолдау бағдарламасын назарға ұсынды. Ұсынылған өзара іс-әрекет сызбасы жеткізілген тауарға аккредитивтік ақы төлеу әдісімен, сондай-ақ «ҚазЭкспортГарант» АҚ-тың туындаған тәуекелдерін сақтандыруға қатысуды жоспарлайды.

Бағдарламаға сәйкес, Қазақстан даму банкі тарапынан қарыз қаражатын ұсыну 9 жылға дейінгі мерзімді құрайды, несиелеу валютасы – АҚШ доллары, бір мәмілеге қаржыландыру лимиті серіктес банкке байланысты 10 млн-нан бастап 50 млн АҚШ долларына дейін құбылады.

Отырыс барысында ШЫҰ банкаралық бірлестігіне қатысушы-банктер арасындағы инвестициялық ынтымақтастық, тәжірибе алмасу және кадрлар даярлау мәселелері талқыланды.

Загрузка...