Бердымұхамедов жыл басынан бері алтыншы кітабын жазды

14 просмотров

Түркіменстан президенті Гурбангулы Бердымухамедов министрлер кабинетінің жиналысында өзінің кезекті кітабын жазып аяқтағанын айтты. «Тыныштықтың, достықтың және ағайындықтың музыкасы» деп аталатын бұл кітабы түркіменнің ұлы музыканттарының бірі Шүкүр бахшиге арналған. Бұл жайында жергілікті БАҚ жазады.

Президенттің айтуынша, Шүкүр бахши ең күрделі мәселелерді де бейбіт жолмен шешуге әрекет еткен адам болған. Кітапты 14 қыркүйекке дейін Ашхабадта өтетін Түркіменстан Ақсақалдар кеңесінің жиынына дейін басып шығару тапсырылған.

19-20-ғасырда өмір сүрген Шүкүр бахши музыкалық жарыстан жеңіп шығып, Иран соғысында кепілдікте жатқан бауырын босатып алып, атағы шыққан.

Бұл түркімен президентінің жыл басынан бері жазған алтыншы кітабы. Бұған дейін оның мақал-мәтелдер жинағы, ақалтеке тұқымындағы жылқылар, түркімен кілем тоқу өнері, Түркіменстанда өсетін дәрілік шөптер туралы кітаптары жарық көрген.

6d6c49d3-2c19-42c7-a3ca-437ecfcb4f94_cx2_cy3_cw50_w987_r1_s_r1

Загрузка...