Балқашта араққа тойған екі ер адам полиция қызметкерлеріне күш көрсеткен
Балқаш қаласының екі тұрғыны полиция қызметкерлеріне күш көрсеткені және қарсылық танытқаны үшін құрықталып, уақытша ұстау изоляторына қамалды.
Бұл туралы Қарағанды облысы ішкі істер департаментінің баспасөз қызметі хабарлады.
Биыл 31-шілдеде Балқаш қаласындағы демалыс орындарының бірінде ішімдікке сылқия тойып алып, қоғамдық орында тәртіпсіздік орнатқан 30 және 20 жастағы екі қала тұрғыны үстінен учаскелік полицияға шағым түсті.
Оларды ұстау кезінде тәртіп бұзушылардың бірі полиция қызметкері киімінің пагонын жұлып, екіншісі автокөлікке отырғызу кезінде тағы бір тәртіп сақшысының бетінен ұрып жіберген.
Аталған факті бойынша, ҚР Қылмыстық кодексінің 380-бабы 1-тармағы бойынша сотқа дейінгі тергеп-тексеру амалдары жүргізіліп жатыр. Аталған баптар бойынша, 2 жылға дейін, ауыр жағдайда 10 жылға дейін бас бостандығынан айыру жазасы белгіленген.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз