Қазақ-өзбек шекарасында дәрілік шөп терген 21 шетелдік азамат ұсталды

34 просмотров

Оңтүстік Қазақстан облысының Сарыағаш ауданында „Сасық Ферула„ деп аталатын дәрілік шөпті шекара маңынан заңсыз жинап жүрген 21 шетелдік азамат ұсталды.

Бұл туралы ҚР Ұлттық қауіпсіздік комитеті шекара қызметінің баспасөз қызметі хабарлайды.

Қазақ-өзбек шекарасында Сарыағаш шекара отрядының бір топ офицерлері осы аудандағы ұлттық қауіпсіздік комитеті аппаратымен бірлесе отырып, Оңтүстік Қазақстан облысы Сарыағаш ауданы Бозай ауылдық округының аумағынан 19 ауғанстандық, 2 өзбекстандық азаматты ұстады.

Олар көші-қон туралы заң талаптарын бұзған, яғни бейсауат адам жүруге болмайтын мемлекеттік шекара маңында дәрілік шөптер жинаумен айналысып жүрген. Ұсталғандар Сарыағаш ауданы бойынша ішкі істер министрлігі басқармасының қызметкерлеріне тапсырылды.

Фото: ҚР ҰҚК Шекара қызметінің баспасөз қызметі
Фото: ҚР ҰҚК Шекара қызметінің баспасөз қызметі

 

Загрузка...