Қазақ «ұрыларының» Лондондағы үй-жайлары тәркіленуі мүмкін

375 просмотров

«Мынау жақсы xабар екен. Біздің де ұрылардыкін кофискелесе дұрыс болар еді. Атасы, не әкесінен қалған емес. Халықтың несібесі еді ғой, бұл құнсыздардың ұрлағаны», деп жазыпты бұл жаңалықты оқыған Бейсенғали Көкей есімді қарапайым қазақ азаматы.

Ұлыбританияда Ресей мен Қазақстан сияқты бірқатар жемқорлығы жоғары елдердің шенеуніктері қылмыстық жолмен келген ақшаға сатып алған дүние-мүлікті тәркілеу туралы заң жобасы қаралып жатыр,

деп хабарлайды Business FM.

Ресейлік Жоғары экономика мектебінің доценті Павел Толстыхтың айтуынша, әлемнің әр түкпірінен шыққан ұры шенеуніктердің Ұлыбританиядан жылжымайтын мүлік алатын әдеті ел билігін көптен бері толғандырып жүрген.

«Асқан байлардың өз капиталын салып қоятын бірнеше жайлы орталығы бар: Лондон, Монако, Лихтенштейн және тағы бір-екі қала бар. Енді Лондон билігі Ресей, Қытай, Араб елдері мен Орталық Азия елдерінен келетін күдікті инвестициялардан арылғысы келеді.

Ағылшындар ақшасының қайдан шыққан белгісіз байлардың Лондонға келіп жайғасып жатқанынан шаршады»

, — деп мәлімдеді Толстых.

Статистикаға сенсек, Лондондағы жылжымайтын мүліктің 7 пайызы шетелдіктердің үлесінде екен. Әрі оның көпшілігі қаланың қақ ортасында, ең қымбат аудандарда орналасқан екен.

8-4

Загрузка...