Алматылықтар Өзбекстан елшілігіне гүл шоқтарын апарып жатыр

54 просмотров

Таңғы 7-ден бастап алматылықтар Қазақстандағы Өзбекстан елшілігіне Ислам Кәрімовтің қазасына байланысты гүл шоқтарын әкеліп, көңіл айту жазбасын қалдыруда.

Бұл туралы ҚазАқпарат хабарлады.

«Біздің Отанымыз, бүтін өзбек халқы да орны толмас қайғыға душар болды. 2016 жылдың 2 қыркүйегінде ауыр сырқатынан соң елінің ұлы тұлғасы, Өзбекстан Республикасының тұңғыш президенті Ислам Абдуғаниұлы Кәрімов өмірден озды» деп жазды көңіл айту кітапшасында Өзбекстан елшісі Икром Назаров.

Еске сала кетелік, 2 қыркүйекте 79 жасқа қараған шағында Өзбекстан президенті Ислам Кәрімов көз жұмды. Өзбек елінің көшбасшысының қазасына байланысты Өзбекстанда үшкүндік қаралы күн жарияланды.

Загрузка...