Бүгін Алматыда Сафар Шакеевті еске алу кеші өтеді

49 просмотров

Бүгін Алматы қаласында қазақстандық композитор Еркеш Шәкеевтің ұлы Сафар Шәкеевті еске алу кеші өтеді.

Бұл туралы Еркеш Шәкеевтің қызы Меруерт Шәкеева өзінің Instagram парақшасында жазды.

«Қайырлы күн, құрметті достар! Менің бауырымның туған күнінде оны еске алу кешін ұйымдастырамыз. Кеште Сафардың жұмыстары көпшілік назарына ұсынылады. Сондай-ақ шағын деректі фильм көрсетіліп, достары сөз сөйлейді. Жағымсыз пікірі бар жандардан ештеңе жазбауларыңызды өтінемін», — деп жазды Меруерт Шакеева.

Еске алу кешіне Сафарды іздеуге ерік танытқандар, достары мен оны құрметпен еске алуға ниет білдірген жандар шақырылады. Қонақтар Алматыдағы «Арман» кинотеатры орталығына сағат 18.30-да жиналады.

Еске алу кешіне онлайн-трансляция арқылы қосылуға болады. Онлайн-трансляцияның сілтемесі Меруерт Шәкееваның парақшасында көрсетілген.

Естеріңізге сала кетейік, 25 жастағы Сафар Шәкеев 16 маусым күні жоғалып кеткен болатын. Оны іздеуге 60 адам ерік білдірді, 160 полиция қызметкері ат салысты. 28 шілде күні күндізгі 11 шамасында оның денесі Есентай өзенінен табылды.

Әкесінің айтуынша, ұлы оқыс оқиғадан қаза тапқан. Алайда қазір медициналық сараптама белгіленді. Атақты композитордың баласы Сафар Шәкеев 1991 жылдың 2 қыркүйегінде дүниеге келген. Бүгін ол 25 жасқа толатын еді.

Загрузка...