Батыс Қазақстан облысының 14 шенеунігінің ішінде тек екеуі ғана өздерінің айлықтарын жасырмай айтты. Солардың ішінде облыс әкімі Алтай Көлгінов та бар.
Бұл туралы uralskweek.kz сайтына сілтеме жасап, Nur.kz хабарлайды.
Облыс әкімінің айтуынша, оның жары соңғы жылы ешқандай табыс таппаған. Себебі ол бала тәрбиесімен үйде отыр. Әкімнің бес орынбасары айына шамамен жарты миллион теңге алатын болып шықты.
Ал, Орал қаласының әкімі Мұрат Мұқаевтың айтуынша, оның ай сайын алатын жалақысы 484 317 теңге. Өзінің жұбайының табысын әкім айтпай қойды.
Айта кетелік, жұмысы ең ауыр мамандық иелері – кенші, мұғалім, дәрігерлердің жалақысы бізде 100 мың теңгенің ар жақ-бер жағының айналысында.