Басы дауға қалған Төреғали Төреәлі журналистерге арнап бейнебаян түсірді.
Бұл туралы ол өзінің Instagram-парақшасында жүктеген видеосы арқылы байқатты.
Видеода Төреғали теледидар алдында отыр. Ал көгілдір экранда Шымкенттің журналистерінен бастап 31-телеарна жаңалықтарынан Төреғалиды жамандаған жаңалықтар беріліп жатады. Бір уақытта орнынан тұрған Төреғали теледидарды өшіріп тастап, қолына микрофон алады.
Осымен жуырда жарық көрмек бейнебаянның жарнамасы кілт үзіледі.
Желі қоданушылары өлең шығаратын ақындығы бар Төреғали өзін әбден сынаған журналистерге жауап ретінде ән шығарған секілді деп болжап жатыр. Ал біреулер қызба оны әзірден сабырға шақыруда. „Жатқан жыланның құйрығын баспа, оңбайсың ғой„ – дейді оған жаны ашыған біреулер.