“Жігіттер” тобының әншісі Айдар Тұрғанбек бес жылдан соң алғаш рет әке атанды

“Мен төрт рет Кіші қажылыққа ұрпақ сұрауға бардым. Бес жыл деген түсінген адамға аз уақыт емес. Өзімде жас емеспін, 33-ке келдім. Бірінші рет жалғыз бардым, одан кейін әйелім екеуміз бардық. Әрбір істе жақсылық бар ғой. Бұл уақыттың ішінде Алладан көп сұрадық. Бізге жақсы бір кісі демеушілік жасап, қажылыққа жіберетін болды. Бірақ, тура ұшуымызға бір апта қалғанда жарымның жүкті екенін білдік. Осылайша жарым бара алмай, бірақ өзім қуанышым қойныма сыймай қажылыққа кеттім”,-дейді ол.

Айдар бес жыл ішінде жұбайы екеуінің қаралмаған дәрігері қалмағанын, соңында тек жаратушыдан дұға сұрап, сәбилі болғандарын айтады.