14-16 наурыз аралығында республика аумағында адам саудасына байланысты қылмыстарды ескертуге, жолын кесуге, анықтауға және ашуға бағытталған «SТOP трафик» жедел-профилактикалық іс-шарасы өткізілді.
Бұл туралы ҚР ІІМ баспасөз қызметі хабарлады.
Арнайы операция кезінде адам саудасы бойынша 51 қылмыстық құқық бұзушылық анықталды, оның ішінде: біреуі қанау мақсатында заңсыз бас бостандығынан айыру (ҚК-нің 126-бабы); төрт адам саудасы (ҚК-нің 128-бабы); бір кәмелетке толмағанды саудалау (ҚК-нің 135-бабы); алты жезөкшелікпен айналысуға тартқаны (ҚК-нің 308-бабы); 39 жезөкшелікпен айналысу үшін притон ұйымдастыру немесе ұстау және жеңгетайлық үшін (ҚК-нің 309-бабы), сондай-ақ қоғамдық орындарда тиіскені үшін (ӘҚБтК-нің 449-бабы) 81 және жезөкшелікпен айналысу және жеңгетайлық үшін үй-жайларды көрінеу ұсынғаны үшін (ӘҚБтК-нің 450-бабы) 16 әкімшілік құқық бұзушылық тіркелді.
ол өзінің 1994 жылы туған сыбайласымен бірлесіп, 23 жастағы қыз баланы одан әрі сексуалдық пайдалану мақсатында 80 000 теңгеге сатқан.
Бұл факті Қылмыстық кодексінің 128-бабы, яғни „Адам саудасы„ бойынша сотқа дейінгі тергеудің бірыңғай тізіліміне тіркелген.
Алматы қаласының ІІД 26 жастан бастап 45 жас аралығына дейінгі адамдар тобын ұстаған, олар Алматы қаласының аумағында қыздарды тартумен және оларды сексуалдық пайдалану үшін елдің басқа өңірлеріне апарумен айналысқан. Олардың үстінен Қылмыстық кодекстің 128-бабы, яғни „Адам саудасы„ бойынша қылмыстық іс қозғалды.