“Жердің бәрі сатылып кеткен…”. Солтүстіктің әкімі нені айтып қойды?
Петропавлда бұдан былай жер телiмдерi ашық аукциондар арқылы сатылады. Бұл туралы СҚО әкiмi Құмар Ақсақалов жер қатынастары басқармасының кеңейтiлген алқа отырысында мәлімдеді деп хабарлайды Sputnik Қазақстан.
“Қалада бос жер телiмi жоқтың қасы. Инвесторларға жер таба алмадық. Бәрiн 10 жыл бұрын сатып жiберген, аукционсыз. Ендi жер телiмдерi тек ашық аукцион арқылы сатылу керек. Жердi алғаннан кейiн онда нысан тұрғызу қажет, өйтпеген жағдайда қайтарып аламыз”, — дедi өңiр басшысы.
Жер телiмдерiн сату кезiнде барлық жағдайды ескерген жөн. Әсiресе, демалыс орындарында жердi сатуға тыйым салынды.
“Адамдар демалатын орындарда жердi мүлдем сатуға болмайды. Бiзде саябақта жердi үй тұрғызуға сатып жiберген. Дәл жаяу жүргiншiлер өтетiн жерге баспана тұрғызу еш қисынға келмейдi”, — дедi Құмар Ақсақалов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе