Жазира: “Жанболаттан таяқ жедім. Сол таяққа лайық болдым”

31 арнаның “Ұят емес” бағдарламасына қонаққа келген әнші Жазира күйеуі екеуінің арасында ши өтпес татулықты құпиясын жайып салыпты. Әншінің айтуынша “күйеуінің бір таяғын әрбір әйел көтере білуі керек”. 

“Бұрынғы заманда әйелді ұру – сәнде болды. Өтірік айтпаймын. Мен таяқ жедім. Бірақ көп емес. Шамамен екі-үш рет. Сол таяққа лайық болдым десем де болады. Себебі, мен өте ерке, ешкім бетімнен қақпай өсірген қыз болатынмын. Жолдасыма қарсы сөйлеймін деп таяқ жедім. Тілімнен таптым. Қазір ол тілді қалай жайғастыру керектігін білемін. Мұны қазір ажырасулар көбейіп кеткен соң, ашық түрде айтып отырмын. Күйеуінен бір рет таяқ жеген келіншектер алды-артына қарамай, бірден ажырасып кетіп жатыр. Бірақ, отбасы болған соң, өмірдің ыстық-суығы қатар жүреді. Бұл соққыға шыдап жүре беру керек деген де сөз емес” дейді Жазира.