Нұр-Сұлтан
Қазір
-22
Ертең
-14
USD
435
-0.76
EUR
492
-1.34
RUB
5.56
-0.13

Жасанды ЖКО: автокөлік иелері сақтандыру компанияларынан 4,5 млрд теңге қағып алған

2021 жылдың қазан айында Алматыда өткен “Автосақтандырудағы алаяқтыққа қарсы іс-қимыл” конференциясында IBA Group KZ ІТ-компаниясы сақтандыру нарығына қатысушылардың қауіпсіздік қызметтерінің өкілдеріне жасырын сауалнама жүргізді. Ең көп таралған автокөлік алаяқтық схемалары бойынша барлық сақтандыру төлемдерінің кем дегенде 15%-ы жол-көлік апатынан зардап шеккендерге тиесілі болғаны анықталды.

“Келіп түскен барлық сақтандыру сыйақыларының құрылымында міндетті автосақтандыру нарықтың барлық көлемінің 21%-ын алады”, – деп жағдайды VAS байланыстарын визуализациялау құралының жетекшісі Николай Васильев түсіндірді. – Тек осы бап бойынша төлемдерге бір жылға шамамен 30 млрд теңге жұмсалды. Біз барлық сақтандыру төлемдерінің шамамен 15%-ы немесе 4,5 млрд теңге алаяқтарға тиесілі болды деп ойлаймыз”.

Қателесу құқығы бар қолмен істелетін жұмыс

Көбінесе алдау үшін ең танымал үш схема қолданылады:

  • қатысушылар сақтандыру төлемін алу мақсатында алдын ала сөз байласады
  • апат кезінде зақымдалған бөлік үшін төлем алу мақсатында зақымдалған элементтерді автомобильге алдын-ала салып қояды
  • ЖКО қатысушылары уақыты мен орнын жасырады, бұл сақтандырушыларға оқиғаны объективті бағалауға мүмкіндік бермейді.

Николай Васильевтің айтуынша, көбінесе сақтандырушылар күдікті жағдайларды қолмен тексереді.

“Алынған мәліметтерге сәйкес, сауалнама алынғандардың 55%-ында оқиғаны тергеуге бір-екі апта кеткені. Ал қалған 40%-ында сот ісі бір айға дейін созылуы мүмкін”, – дейді сарапшы. – Талдау жасаумен айналысатын мамандардың саны мерзімге тікелей байланысты.

Біздегі ақпарат бойынша, сауалнамаға қатысқандардың 30%-дан астамы бір істі тергеу үшін екі адамды жұмылдырады

Ал сақтандырушылардың 60%-ы күрделілігіне қарай айналысатын мамандардың саны туралы шешім қабылдайды”.

Деректердің жетіспеушілігі салдарынан сақтандыру жағдайларының жартысынан көбін объективті және жан-жақты тексеру мүмкін емес. Басқа сақтандыру компанияларының мұрағаттарына немесе мемлекеттік органдардың базаларына қол жетімділік көмектесе алар еді. Бұл ретте

сақтандыру компанияларының үштен екісі өз жұмысында сақтандыру жағдайларын тергеу процесін автоматтандыру бойынша бейінді құралдарды мүлдем пайдаланбайды

Бірақ оларды қателіктер санын және автоалаяқтардың іс-әрекеттерінен болатын зиян мөлшерін азайту үшін пайдалануға дайын.

Қалайда ақша алу керек

Айтпақшы, COVID-19 пандемиясы интернеттегі алаяқтық санын 15%-ға арттырды. Алдаудың жаңа тәсілдері пайда болды.

Алаяқтық тәсілдердің алдын алуға жол полициясы органдарының апаттарды рәсімдеуі де кедергі келтіре алмайды екен.

“Полиция, әрине, жол-көлік оқиғасын тіркейді, бірақ оны кейінірек шақыртуы мүмкін немесе жалған мәліметтерді хабарлауы мүмкін”, – деді Николай Васильев. – “Мысалы, жол-көлік оқиғасының бір қатысушысында сақтандыру полисі жоқ немесе ол мас күйінде көлік айдаған.

Полисті жасау немесе жалған жүргізушіні табу үшін уақыт қажет. Мұнда екінші қатысушының келісімі де талап етіледі

Бірақ, біздің сауалнамамыз көрсеткендей, сақтандыру компаниясын алдау мақсаты болған кезде мұның бәрі шешімін табады”.

2020 жылы олар 42 миллиард доллар деген цифрды атады. Бұл ақшаны екі жыл ішінде бүкіл әлемдегі компаниялар экономикалық қылмыстардың салдарынан жоғалтты. Автосақтандыру – алаяқтардан ең көп зардап шеккен сала емес, дегенмен ондағы шығын да миллиондаған доллармен есептеледі. Қазақстан үшін алаяқтарға төленетін сақтандыру төлемдерінің 15%-ы өте қомақты сома.

Серіктестер жаңалықтары
Көп қаралған
© «365 Info», 2014–2022 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз