Жапонияның оңтүстік-батысы мен орталық аудандарында болған су тасқынынан қаза болғандардың саны 204 адамға жетті.
Бұл туралы бас хатшы Ёсихидэ Суга Токиода өткен баспасөз мәслихаты барысында айтты, – деп хабарлайды РИА Новости.
“204 адам қаза болды. 28 адам із-түссіз жоғалып кетті. Тағы 54 адамның қайда екенін растай алмай отырмыз”, – деді бас хатшы.
Басылымның мәліметінше, 5 000 адам эвакуациялық елді мекендерге орналастырылды. Онда 5,5 мың ерікті жұмыс істеп жатыр.
Айта кетейік, өткен аптаның соңында қатты жауған жаңбырдың салдарынан Жапонияның оңтүстік-батысы мен орталық аудандарын су басқан еді.