Жамбыл облысында той кортежінің кесірінен жапа шеккен әйел хәл үстінде жатыр
Жамбыл облысында дәрігерлер той кортежі себепкер болған жол апатынан жапа шеккен 23 жастағы келіншекті аман алып қалу үшін жанталасуда.
Бұл туралы КТК хабарлайды.
Меркі ауданында болған апат кезінде өте ауыр жарақат алған ол, қазір емдеу мекемесінің жансақтау бөлімінде жатыр. Сондай-ақ, осы оқиғаға себепкер болған көлік жүргізушісі де ақхалаттылардың қарауында. Оның бірнеше қабырғасы сынып, миы шайқалған.
Айта кетейік, жұма күні Меркі ауданының Сыпатай батыр ауылы маңында жол апаты болған еді. Үйленіп жатқан екі жасты үйінен әкетуге кетіп бара жатқан Геленваген, жүйіткіген бойда қарсы бетке шығып кетіп, ВАЗ-2114 көлігіне бетпе-бет соғылған.
Артынша тіпті жол-патрульдік полициясының машинасына ұрылған. Тәртіп сақшылары аман қалса, бірінші соққан көліктің 24 жастағы жүргізушісі мен оның бір жарым жастағы баласы және 55 жастағы анасы сол жерде жан тапсырған еді. Қазір марқұмның әйелі мен тағы бір туысы ауруханада хәл үстінде жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе