Жамбыл облысында „Нұрлы жол„ бағдарламасы бойынша 10 білім беру нысаны бой көтерді

«Нұрлы жол» мемлекеттік бағдарламасы бойынша Жамбыл облысында 10 білім беру нысанының құрылысы жүргізілді.

Бұл шаруаға Ұлттық қордан 5,7 миллиард теңге бөлінген. Мектептер мен бала бақшалар екі жылда бой көтерді.

Әзірге 7 нысан толықтай пайдалануға берілді , қалған үшеуі келер жылы іске қосылады. Сондай-ақ бұл бағдарлама аймақта баспана құрылысы мен инфрақұрылым тартуға да оң септігін тигізіп отыр.

– Бүгінгі күні облыста 316 мың шаршы метрден астам баспана пайдалануға берілді, өткен жылмен салыстырғанда бұл 28 пайызға артық. Ал инженерлік инфрақұрылымды тартуға Ұлттық қордан 5,9 миллиард теңге бөлініп отыр. Бұл бағытта тиісті жұмыстар қолға алынған, – облыстық құрылыс басқармасы басшысының орынбасары Рахман Аққозиев.