Жамбыл облысында екі мың гектарға жуық орман өртеніп кетті
Жамбыл облысында екі мың гектарға жуық орман өртеніп кетті. Қызыл жалын кеше кешкісін Меркі ауданындағы Сарыкөбі даласынан бастау алған. Төтенше жағдайлар қызметінің мамандары өрттің шартарапты шарпып кетуіне өрт сөндірушілердің оқиға орнына дер кезінде келе алмауымен түсіндірді. Өйткені өрт тұтанған аумаққа ең жақын елдімекен 160 шақырым жерде орналасқан.
Сондай-ақ секундына 12 метр жылдамдықпен соққан жел қызыл жалынды үдете түсіп, жалын Тұрар Рысқұлов ауданының аумағына дейін жеткен. Тілсіз жауды ауыздықтауға 300-ден астам адам мен 50 арнайы техника тартылды. Олар таңға дейін жерді трактормен жырту арқылы өрт аумағын оқшауланған. Мамандар жақын маңдағы елді-мекендер мен егістікке еш қауіп төнген жоқ дейді.
«Жағдайды тұрақты бақылап, әуеден бақыланды. Дер кезінде атқарылған жұмыс нәтижесінде өрт таңғы сағат 6:20-да толық сөндірілді. Түтін шыққан өрт ошақтары анықталған жоқ. Шамамен өртенген аймақ 1803 гектар», – дейді Жамбыл облысы әкімдігі, Табиғи ресурстар және табиғатты пайдалануды реттеу басқармасы басшысының орынбасары Нартай Егембердиев.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз