“Жалақыны өсірді, сыйақы беретін болды”. Қарағандыда ереуілдеген кеншілер үйіне оралды
«АрселорМиттал Теміртау» АҚ шахталарындағы еңбек дауы шешілді, кеншілердің жалақысы 30 процентке көтеріліп, компанияның көмір департаментінің барлық жұмысшысына біржолғы сыйақы берілетін болды.
Бұл туралы ҚазАқпарат хабарлады. Қарағанды облысы әкімі, компания басшылығы және кәсіподақтар мен шахтерлер арасындағы келіссөздер оң нәтижемен аяқталды. Түнгі сағат 01:00-ге қарай компания шахталарында бір де бір шахтер қалмай, үйлеріне тарасты.
«Қарағанды облысының әкімі Ерлан Қошанов және «АрселорМиттал Теміртау» АҚ атқарушы директоры Вадим Басинмен кездесуден кейін алдымен «Қазақстан» шахтасының шахтерлері сыртқа шыға бастады. Олармен бірге «Тентек», «Шахтинск» және Ленин атындағы шахталардың да кеншілері жоғары көтерілді. Түнгі бірге қарай 420 адамның барлығы сыртқы шықты», – дейді Қарағанды облыстық әкімдігінің баспасөз қызметіндегілер.
Шахтинск қаласының прокуроры осы еңбек дауын ұйымдастырғаны үшін қылмыстық қудалаудан босатуға кепілдік берді. Бұдан тыс, прокуратура қажет кезінде осы мәселеде құқықтық қолдау көрсетуге дайын екенін білдірді. Кеншілер жұмыс берушімен келіссөздерді келісім комиссиясының аясында жүргізеді. Оның құрамына бастамашыл топтардың мүшелері, прокуратура қызметкерлері, шахталардың директорлары, сондай-ақ кәсіподақ комитеттерінің, облыс және компания басшылығының өкілдері кіреді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе