Өзбекстанда президент сайлауына мерзімінен бұрын дауыс беру басталып кетті
Бейсенбі күні Өзбекстанда желтоқсанның 4-іне белгіленген президент сайлауына мерзімінен бұрын дауыс беру басталып кетті, деп жазады ТАСС.
Президенттің тағына төрт адам таласуда, премьер-министр Шавкат Мирзиеев, Халықтық-Демократиялық партия өкілі Хатамжон Кетмонов, “Миллий Тикланиш” партиясынан Сарвар Отамуратов және “Адолат” партиясынан Нариман Умаров.
мерзімінен бұрын дауыс беру сайлауға 10 күн қалғанда басталады және 1 күн қалғанда аяқталуы тиіс.
Бұл кезде сайлау учаскелерінің жұмыс істейтін уақытын округтік сайлау комиссиялары белгілейді. Мерзімінен бұрын дауыс беру үшін сайлаушылар тұрғылықты жері бойынша учаскелік комиссияға жазбаша өтініш беріп, сайлау күні дауыс беруге не себепті келе алмайтынын көрсетуі тиіс.
Жалпы, Өзбекстанда сайлаушылар тізіміне 21 млн 435 мың дауыс беруші енген. Республика бойынша 9378 сайлау учаскесі жұмыс істейді, оның ішінде 44-і 28 елдің дипломатиялық өкілдіктерінде болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе