Ұшақта шу шығарғандарды байлап тастауға рұқсат беріледі

Ол үшін қауіпсіздік қызметіне, пластмассалық кісен мен арқан берілген.

Қабылданған заң біздің де борт серіктерге күш қолдануға рұқсат береді”, дейді инвестициялар және даму вице-министрі Роман Скляр.

Ішімдік ішіп, салонда шу шығаратын жолаушылар көбейген.

Тіпті, көбі тәртіпке бағынбай айналасындағы адамдардың мазасын алып, өмірлерін қауіпке тігеді екен.

Биылдың өзінде осындай 30-ға жуық жолаушы жазаға тартылыпты. Бұған дейін борт серіктері оларға күш көрсете алмайтын.

Тек, ұшақ жерге қонған соң, полицияға тапсырумен шектелген еді. Десе де, заң әлі сенаторлардың сүзгісінен өтуі тиіс.