Қызылордалық үш әйелімен бір шаңырақтың астында тұрады. Бәйбішесі күйеуіне тоқал алуды өзі ұсынған. Тіпті таңдап беріп, тұрмыста болмаған қызды тоқал боуға көндірген екен,-деп жазды КТК арнасындағы «Главная редакция бағдарламасы.
«Біз үйленгенімізге бірнеше жыл болған кезде алма бағын қолдан жасадық. Көшет отырғызып, немерелерімізге табиғи дәрумен болсын дедік. Бәйбішемен мектеп партасынан таныспыз. бірге тұрып жатқанымызға 40 жыл болды»,-дейді отағасы Әбсаттар.
Отағасы дастархан басында үнемі оң жағына үш әйелін қатар отырғызады екен. Бәйбішесі Шынардың жасы 63-те. Екінші әйелі Фатиманың жасы 60-та. Кіші әйелі Күлайханның жасы 38 -де екен.
«Үйдегі барлық тапсырманы маған береді. Мен басқаларға бөліп беремін. Біз отағасын үнемі «президентіміз» деп қалжыңдаймыз. Ал біздер министрлерміз. Мысалы мен сыртқы байланыстарға жауап беремін. Ал Фатима мен Күлайхан ішкі шаруаларды тындырып отырады»,-дейді Әбсаттар Мырзабековтың бәйбішесі Шынар.
«Әрине біз бәйбішені құрметтейміз. Себебі ол біздің ортақ отбасымыз үшін көп жұмыс істеген. Бастысы біз барлығымыз да күйеуімізді жақсы көреміз. Ал күйеуіміз бәрімізге бірдей қарайды»,-дейді Әбсаттар Мырзабековтың ортаншы әйелі Фатима.
Отағасына тоқал алуды бәйбішесі ұсыныпты. Әбсаттар мырза болса Шынарды өзінің кеңесшісі деп біледі.
«Өзім үлкен отбасынан шықтым. Күйеуім екеуміздің де балаларымыз көп болғанын қаладым. Тағдырдың жазғаны болар бір ұлды дүниеге әкелдім. Осыдан кейін жол көлік апатына түсіп қалдым. Дәрігерлер алдағы уақытта балалы бола алмайтынымды айтты»,-дейді Шынар ана.
Міне осыдан кейін Шынар ана ойлана келіп күйеуіне екінші әйел алып беруді шешіпті. Сол кезде 29 жастағы Фатиманы күйеуіне тұрмысқа шығуға үгіттеген.
Өзі қатал болмайтынын да айтыпты. Ал Фатима болса мұндай ұсынысты алғаш естігенде қайран қалған.
«Өз күйеуімнен айырылып қалғым келмеді. Ол кезде құрсақ ана жайлы сөз болмайтын»,-дейді Шынар ана сөзінде.
«Шынар сыртқы жұмыстарды жақсы түсінеді. Байсалдылықпен шешеді.Мысалы мектептегі ата-аналар жиналысына тек сол қатысады. Ауылымызда біздің бәйбішені бәрі жақсы көреді, сыйлайды. Заң бойынша күйеуіміз Шынармен некеде. Қалғандарымыз мұсылманша некедеміз»,-дейді Әбсаттар Мырзабековтың екінші әйелі Фатима.
Фатима бұл отбасына екі қыз тауып берген. Осыдан кейін тағыда ұрпақ жалғастыру мәселесі көтеріліпті. Бұл жолы отағасы таңдауды өзі жасаған.
«Мен ол кезде 21 жаста едім. Ұзақ ойландым. Өзімнің үшінші әйел болатынымды білдім. Бірақ отағасы сол кезде-ақ маған қатты ұнап қалған еді. Сүйіп қалдым десем де болады»,-дейді Әбсаттардың үшінші әйелі .
Бұл некеге екі әйелі келіскенімен «Үш әйелді қалай бағасың» деген Әбсаттардың туыстары қарсы болды. Ешкімді тыңдамаған Әбсаттар үшінші әйелді алуға шешім қабылдаған. Қазір үлкен шаңырақтың астында үш әйелі мен балалары бірге тұрады.
«Тоқал дегеннің несі ұят екен. Ол да адам. Оны кемсітуге болмайды. Олар да ортақ күйеуімізді жақсы көреді. Біз өз өмірімізді ешкімге насихаттамаймыз. Тек өзіміздің бақытты екенімізді айтқымыз келеді»,-дейді Шынар ана.