Үржарда күзде халыққа жер телімі тегін беріле бастайды
Шығыс Қазақстан облысының Үржар ауылындағы кезекте тұрған тұрғындар тегін жер телімдерімен қамтылады.
Бұл – Елбасының тапсырмасына сәйкес жасалған «Нұрлы жер» бағдарламасының жемісі деп хабарлады “Хабар-24” телеарнасы.
Қазір ауыл шетінде арнайы аумақ бөлініп, мемлекет есебінен инфрақұрылым тарту мәселелері шешіліп жатыр. Техника-экономикалық негіздеме және жобалық-сметалық құжаттар дайындалған. Жол салуға 30 миллион, электр желілерін тартуға 60 миллион теңге қажет. Қаржы бөлінсе, жаз ортасына дейін бұл жұмыстар толығымен аяқталмақ. Басты міндет салынатын үйлердің сәулеті бас жоспарға сай болуы тиіс. Қазір арнайы құрылған комиссия аудандық қоғамдық кеңес мүшелерімен бірігіп, тұрғындарға осы талаптарды түсіндіріп жатыр.
– Аудан орталығында 300-ге тарта тұрғын үй салуға өтініш берген адамдар бар. Соларды осы мемлекеттік бағдарламаға сәйкес тұрғын үй салуға жер бөліп беру мақсатында нақты жұмысты қолға алып істеп жатырмыз. Бұл келешекте біздің аудан орталығында тағы да заман талабына сай әдемі, тұрғындардың барлық қажеттілігін қамтитын бүгінгі заманауи тұрғын үй салынады. Ол ауылымызға көрік береді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе