“Үмметім!..”. Оразада концерт қойған Сәкен Майғазиев жылап, сахнадан шығып кетті (видео)
Өскемен тұрғыны Рамазан айының алғашқы күнінде әнші Сәкен Майғазиевке баға жетпес сыйлық жасады.
Ол концертке Мұхаммед (с.ғ.с) пайғамбардың көрпесінің қиындысын алып келді. Алайда мұндай бағалы затты концерт қонағы әншіге сыйға тартқан жоқ, тек ұстап, иіскеп көруге мүмкіндік берді.
Бұл туралы Stan.kz хабарлады.
Шығыс өңірінде өткен концерт кезінде тұрғындардың бірі сахнаға шығып: “Қаншама жылдан бері сақтап келген пайғамбарымыздың көрпесінің қиқымын осы бір қасиетті сахнада Рамазан айында бір көрсетіп, алып кетейін деп алып келдім. Өзіңіз ораза ұстап жүр екенсіз”, – деді.
https://kaz.365info.kz/caken-majgaziev-zansyz-balam-kop-314573
Мұндайды күтпеген әнші:
“Көрудің өзі бақыт. Адамзаттың асылы пайғамбарымызды түсімде көруді армандап жүрген үмметтерінің бірі едім”, – деп көзіне жас алып, сахнадан кетіп қалды.
Қатты қобалжыған Майғазиев бұл күні алған әсерімен кейіннен желіде бөлісті.
“Иә, сүйікті пайғамбарымыздың көрпешесінің қиындысын ұстап көргендегі әсерімнен әлі шыға алар емеспін.
“Үмметім, үмметім” деп, ұлынан бізді биік қойған пайғамбарымызға (с.ғ.с) лайықты үммет бола алмай жүрміз-ау деген ой тыншытар емес.
Сөзбен жеткізу мүмкін емес. Қатты толқудамын. Алла тағала айлардың сұлтанында иман байлығымызды арттырғай”, – деді ол.
https://kaz.365info.kz/saken-majgaziev-bylaryn-khalaj-263108
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе