Ұлттық банк биылғы 21 және 22 маусымда 101 миллион долларға интервенция жүргізген, – деп хабарлайды Tengrinews.kz.
Баспасөз қызметінің мәліметінше, теңге құбылмалылығының ішкі валюта нарығындағы үдеюін шектеу мақсатында Ұлттық банк 101 миллион АҚШ доллары мөлшерінде сатуды жүзеге асыра отырып, АҚШ долларына деген артық сұранысты қанағаттандыру туралы шешім қабылдаған. Валюталық өктемдіктер шетел валютасына деген сұраныстың шарықтаған кезеңінде – 2017 жылғы 21 және 22 маусымда жүргізілді.
Еске салайық, бұған дейін Ұлттық Банк Қазақстанның ішкі валюта нарығы жоғары құбылмалылыққа ұшырауы мүмкін екендігін атап өткендіктен, Ұлттық Банк айырбастау бағамы бойынша іргелі үрдісті қалыптастыруға кедергі келтірмей, валюта бағамының тұрақсыздыққа әкелетін күрт өзгеруінің алдын алу мақсатында валюта нарығында өктемдіктер жүргізу құқығын сақтаған еді.
Банк өкілдерінің айтуынша, инфляциялық таргеттеу режимі жағдайында валюталық өктемдіктерді пайдалану экономикасы даму үстіндегі елдердің әлемдік практикасына сәйкес келеді.
Айта кетейік, бүгін ұлттық валюта бағамы KASE қор биржасының таңғы саудасында әлсіредіҰлттық валютаның долларға шаққандағы бағамы 326,31 теңгеге тең болды.