Атырау облысына жұмыс сапарымен ҚР Премьер-Министрі Бақытжан Сағынтаев барды.
Бұл туралы ҚР Премьер-министрінің баспасөз қызметі хабарлады.
Жұмыс сапарының жоспарына сәйкес, Сағынтаев Каспий теңізінің Қашаған кен орнын игеру бойынша жобалардың Солтүстік Каспий нысандарымен, «Болашақ» мұнай-газ өңдеу зауыты және күкіртті өңдеу зауыттарымен таныспақ. Сондай-ақ, Бақытжан Сағынтаев мұнай өнеркәсібіне арналған кадрларды дайындайтын жоғарғы техникалық мектепке барып, онда студент жастармен кездеседі деп күтілуде.
Бұдан әрі Бақытжан Сағынтаев «Атамекен» кәсіпкерлер палатасының өңірлік мүшелерімен кездесіп, бірқатар кәсіпорындарды аралайды.