“Ыййю! Прими право”. Полицейлер көлік апатына себепші болып, өздері қашып кетті (видео)

Қазіргі Қазақстанда не болмайды десеңізші. Мына полицейлер жол апатына себепкер болып, сосын “бәлесінен аулақ” деп өздері оқиға орнынан қашып кетті.

Полицейлер Алматыдағы Райымбек даңғылында ереже бұзған бір жүргізушіні көріп қалып, оны бас салып тоқтатпақ болған ғой, баяғы.

Бірақ әлгі жүргізушінің жол жиегіне қауіпсіз тоқтауына мұрша бермеген екен.

Жаны шыға жаздаған ескі Volkswagen Golf жүргізушісі оңға қарай ойыса берген, бірақ сол сәтте автобус жүретін арнайы жолақпен Kia көлігі ұшып келе жатыпты.

Екеуі полицейлердің көз алдында быт-шыт болып соғылды.

Полицейлер өз міндетін орындаудың орнына оқиға орнынан тез арада ізін суытыпты. Тіпті өздері де жол ережесін бұзып тұрып қашқан екен: бағдаршамда қызыл жанып тұрса да үшінші жолақтан оңға бұрыла салды.