Варикозды емдеудің тың тәсілі қолданысқа енгізіліп жатыр
Елімізде көк тамырлардың түйінделіп кеңеюін жаңа әдіспен емдеуге мүмкіндік туды.
Астанаға арнайы келген еуропалық дәрігерлер варикозды озық технологиямен кетірудің әдісін көрсетті деп хабарлады “Хабар-24” телеарнасы.
«Тамыр ауруын лазерлік операция арқылы емдеуге болады әрі одан кейін ешқандай ауырсыну байқалмайды», – дейді шетелдік хирургтер.
Олар қазақстандық әріптестеріне шеберлік сабағын өткізіп, 35-40 жас аралығындағы төрт адамға операция жасады.
Петер Дражич, қан тамырлары хирургі:
– Бұл операцияның ерекшелігі сол – адам аз уақытта өздігінен жүріп кете алады. Тіпті сол күні үйіне шығаруға болады. Яғни бұрынғыдай аурухана төсегіне таңылып жатуды қажет етпейді. Жаңа технология арқылы көктамырдың түйінделуін әп-сәтте емдеуге мүмкіндік бар. Біздің әдісімізді қазақстандық дәрігерлер тез игереді деген үміттемін.
Ғалымжан Рысқұлов, №1 қалалық аурухананың қан тамырлары хирургия бөлімшесінің дәрігері:
– Тамырдың кеңеюіне байланысты операциялар жасадық. Ол соңғы технологиялармен, яғни лазермен тамырды күйдіру арқылы жасалады. Бұл біздің біліктілігімізді толықтыруға бағытталған. Еуропада бұл амбулаторлық хирургия саналады. Сондықтан бірінші күннен бастап операциядан кейін 2-3 сағаттан бастап ақырын жүргізуге болады. Бұл операцияның ерекшелігі сол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе