Түркістан облысында Қаңлы жауынгерінің ежелгі қабірі табылды
Түркістан облысы, Ордабасы ауданы аумағындағы Төлебайтөбе-2 қорымынан Қаңлы кезеңіне жататын көшпенді жауынгердің қабірі табылды. Қазба жұмыстарын Өзбекәлі Жәнібеков атындағы Оңтүстік Қазақстан педагогикалық университетінің Археологиялық орталығы мен Нидерландтағы Лейден университетінің ғалымдары бірлесіп жүргізген.
Ғалымдардың айтуынша, бұл қабір б.з.д. I ғасыр мен б.з. IV ғасырына тән. Обадан жебе ұштары, тұрмыстық құралдар, ат әбзелдері мен әшекейлер табылған. Мәйіт ағаш табыттың үстіне қойылып, айналасына үлкен керамикалық ыдыс бөліктері төселген.
Қазба барысында анықталғандай, обалар бұған дейін бірнеше рет тоналған. Соған қарамастан, археологтар маңызды мәдени деректер мен құнды жәдігерлерге қол жеткізген.
Зерттеуге қатысқан Лейден университетінің антропологы Полина Колмогорова бұл жаңалық Қазақстан тарихын тереңірек танып-білуге үлкен үлес қосатынына сенімді екенін айтты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе