Трампың күйеу баласы Ресеймен ауыз жаласқан ба?
АҚШ президентінің күйеу баласы Джаред Кушнер Федералдық тергеу бюросының жіті бақылауына ілікті. Оған Трамптың кеңесшісі болған кезде Ресеймен байланыс жасаған деген күдік келтірілген.
Кушнер өткен жылы желтоқсан айында Ресей елшісі Сергей Кислякпен және ресейлік Внешэкономбанк мемлекеттік банкінің басшысы Сергей Горьковпен кездескен. Соңғысы 2014 жылы АҚШ-тың санкциялық тізіміне енгізілген еді, деп хабарлады Washington Post және NBC News.
Баспасөз мәліметтері бойынша, Джаред Кушнерді тергеушілер қандайда бір қылмыс жасағаны үшін айыптауды көздемейді.
Кушнердің заңгері Джеми Гореликтің хабарлауынша, оның клиенті тергеу қызметіне көмектесуге әзір. “Кушнер мырза бұған дейін кездесуге қатысты мәліметтерді конгреспен бөлісуге дайын екенін мәлімдеген. Ол тергеу қызықтыратын басқа да сауалдарға жауап беруге әзір”, – деді Горелик.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз