АҚШ президенті Дональд Трамп «Харви» алапат дауылының салдарымен күрес үшін конгрестен 6 миллиардқа жуық қаржы сұрамақ.
Билік өкілдері бұл соманың әлі өзгеруі мүмкін екенін айтады деп хабарлады Би-би-си.
Конгрестің қос палатасы өзекті мәселені бүгін қарағалы жатыр. Қазірге дейін көмек ретінде 530 миллион доллар бөлінген. Ал Техас губернаторы Грег Эббот бұған дейін федералды үкіметтен апатпен күресуге 125 миллиард доллар қаржы сұраған еді.
Соңғы ақпаратқа қарағанда, дауылдан қаза тапқандар саны 40-қа жеткен. Көмекке зәру 13 мың тұрғын құтқарылды. Су тасқынынан 100 мың үй қирап-бүлінген. Құтқару жұмысына 25 мыңға жуық сарбаз жұмылдырылды. Қазір дауыл Миссисипи мен Тенесси штатына қарай бет алыпты.