Төрт күн ішінде ЭКСПО-ға 88 мың адам келді
Елордалық әкімдіктің ведомствоға бағынышты ұйымы – «Астана конвершн бюро» ЖШС-інің директоры Санияр Айтекенов ЭКСПО-2017 халықаралық көрмесінің алғашқы үш күнінің нәтижесін жариялады, деп хабарлайды «ҚазАқпарат» ХАА тілшісі.
Оның айтуынша, көрме ашылған күннен 13 маусымға дейінгі аралықта көрмеге 88 мың 300 адам келген. Көші-қон полициясында 1970 қонақ келгендігі тіркелді. Өңірлерден көрмені тамашалауға 6 200 бала келді. Қонақүйлерге 27 мыңнан астам адам орналасқан. Қонақүйлер 81 пайызға, хостелдер 25 пайызға толған. Қоғамдық көліктер 2,6 млн жолаушы тасымалдаған. Бұдан өзге, көрме аясында «жасыл» экономиканың дамуына инвестиция тартылды.
Сондай-ақ, тараптар 2017-2018 жылдарға «ҚазМұнайГаздың» Қытайға табиғи газ жеткізу мүмкіндіктерін талқылап, 5 миллиард шаршы метр көлеміндегі Қазақстан газын ҚХР-ына экспорттаудың сатып алу-сату шарттарына қол қойылды.
«Экспо-2017 көрмесіне жұмсалған қаражат – 400 миллиард теңгеден асады (шамамен 1 млрд. 300 миллион доллар)», – деп түйді сөзін Санияр Айтекенов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе