Time журналы Владимир Путиннің суретін жаңа санының мұқабасына жариялады
Time журналының жаңа саны Ресей президентінің суретімен басылып шығады. Владимир Путиннің бейнесі сұр түсті коллажбен жасалған.
Журналдың кезекті санындағы басты мақала “Путиннің сайлауға қатысты көздегенін болдырмаудың құпия жоспары” деп аталады. Мақалада АҚШ-тың бұрынғы президенті Барак Обама америкалық сайлау жүйесіне кибершабуыл жасалуы мүмкін екенін білген деп жазылды. Журнал 31 шілдеде сатылымға шығады.
Басылым мәліметі бойынша, АҚШ билігі хакерлік шабуылдарға алдын ала дайындалған. Time журналының мәліметіне қарағанда, осындай жағдай тіркелген жағдайда, сайлау учаскелеріне әскер жіберу жоспарланған.
Ресейге өткен жылы қарашада америкалық сайлау кезінде бірнеше штаттағы сайлау жүйесінің бұзылуына қатысы бар деген айып тағылды. Кремль ол айыптарды жоққа шығарып отыр.
Владимир Путин суреті Time мұқабасында сегізінші мәрте басылды. 2007 жылы журнал редакциясы Ресей президентін “Жыл адамы” деп таныған.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз