Әлеуметтік желіде әнші Қайрат Нұртастың сахналық кәстөмін жанкүйерінің біріне сыйға тартып жатқаны туралы видео пайда болды.
Бұл видеоны әншінің анасы әрі продюсері Гүлзира Айдарбекова Инстаграмдағы жеке парақшасында жариялады.
“Иә, анда-санда xалықпен әзілдесіп, көңілдерін көтеріп қойған да артық емес екен. Осы концертке арнайы тігіп әрең үлгеріп едік, өзі киюге үлгермесе де бір жанның көңілін көтеріп кетті. “Жарайсың, өркенің өссін!” – деген деген сөздің өзі бізге жеткілікті болды”, – деп жазды концерт сәтінен видео бөліскен Гүлзира Үсенқызы.
Қалай дегенмен де Қайрат өз затын жанкүйерлеріне сыйға тартуды әдетке айналдырған. Қайраттың айтуынша, тіпті, бір жанкүйері оның киімін сатып, көлік сатып алыпты.