Таразда кәсіпкерлер «Айша бибі» кесенесінің жерін заңсыз иемденген
Таразда бес кәсіпкер тарихи-мәдени мұра саналатын «Айша бибі» кесенесінің аумағындағы жерді заңсыз иемденіп, онда коммерциялық қызмет жүргізгені анықталды.
Жоғарғы соттың мәліметінше, «Ежелгі Тараз ескерткіштері» тарихи-мәдени қорық-музейі кәсіпкерлердің үстінен сотқа талап арыз беріп, заңсыз иеленген аумақты қайтаруды сұраған. Қорық-музейдің иелігінде «Айша бибі» кесенесі орналасқан, оған 2 гектар жер телімі бөлінген. Бұл аумақ сауықтыру, рекреациялық және тарихи-мәдени мақсаттарға арналған ерекше қорғалатын табиғи аумақ ретінде белгіленген.
Алайда, бес кәсіпкер бұл аймақта ғимараттар салып, оларды сауда орны ретінде пайдалана бастаған. Олардың кәсіпкерлік қызмет жүргізуге рұқсат беретін ешқандай құжаттары болмаған.
Жамбыл аудандық соты кәсіпкерлердің заңсыз әрекетін мойындап, оларды ғимараттарды босатуға міндеттеді. Апелляциялық сот бұл шешімді өзгеріссіз қалдырды. Қаулы заңды күшіне енді.
Серіктестер жаңалықтары
загрузка...
© «365 Info», 2014–2025 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз