Талғат Донақовты Қазақстан Республикасы Жоғары сот кеңесінің төрағасы қызметіне тағайындау туралы жарлыққа Елбасы қол қойды.
Бұл туралы Ақорданың баспасөз қызметі хабарлады.
“Талғат Советбекұлы Донақов Қазақстан Республикасы Жоғары сот кеңесінің төрағасы болып тағайындалсын, ол Қазақстан Республикасы президентінің әкімшілігі басшысының орынбасары қызметінен босатылсын”, — деп жазылған жарлықта.
Айта кетелік, бұрынғы министр Нұрлан Ермекбаев Қазақстан Республикасы президентінің көмекшісі – Қауіпсіздік Кеңесінің хатшысы қызметіне тағайындалды. Ал оның бұрынғы лауазымы — Дін істер министрлігіне жаңадан басшы болып Дархан Қалетаев келді.