Талғат Донақов жаңа қызметке тағайындалды
Талғат Донақовты Қазақстан Республикасы Жоғары сот кеңесінің төрағасы қызметіне тағайындау туралы жарлыққа Елбасы қол қойды.
Бұл туралы Ақорданың баспасөз қызметі хабарлады.
“Талғат Советбекұлы Донақов Қазақстан Республикасы Жоғары сот кеңесінің төрағасы болып тағайындалсын, ол Қазақстан Республикасы президентінің әкімшілігі басшысының орынбасары қызметінен босатылсын”, — деп жазылған жарлықта.
Талғат Донақов 1965 жылдың 16 қаңтарында туған. 2015 жылдың желтоқсанында ҚР мемлекеттік қызмет істері министрі қызметіне тағайындалды. 2016 жылдың қыркүйегінен бүгінге дейін Қазақстан Республикасы президентінің әкімшілігі басшысының орынбасары болды.
Айта кетелік, бұрынғы министр Нұрлан Ермекбаев Қазақстан Республикасы президентінің көмекшісі – Қауіпсіздік Кеңесінің хатшысы қызметіне тағайындалды. Ал оның бұрынғы лауазымы — Дін істер министрлігіне жаңадан басшы болып Дархан Қалетаев келді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз