Димаш Құдайберген Қытайда өтіп жатқан «I am a singer» байқауының IV кезеңінде III-орын иеленді.
Бұл туралы ҚазАқпараттың Қытайдағы тілшісі хабарлады.
«І-орынды «Сяо Цзиньтэн Шицзы» («Lion») тобы, ІІ-орынды Линь Илянь, ІІІ- орын – Димаш, IV – Ду Лиша, V – Чжан Цзе, VI – Тань Цзин (үшінші кезеңде бірінші орын алған болатын) және VII-орынды Чжао Лэй иеленді», – деп хабарлайды қытайлық БАҚ.
Еске салайық, бұған дейін «Синьхуа» агенттігі Димаш Құдайберген аталмыш байқаудың 4-кезеңінде қытай тіліндегі әнді акцентсіз айтып бергенін хабарлаған болатын. Сондай-ақ Димаш еуропалық үлгідегі пиджак пен жібек мойынорағышында тартымды көрінгені жазылған еді. Оның бойына көз тартарлық келбетті қара түсті бас киімі келтіріп тұрды. «I am a singer» байқауының төртінші кезеңі 2 ақпан күні жазылған еді. Ол телеарналардан 11 ақпан күні Астана уақытымен сағат 20:30-да көрсетіледі. Димаштың бұл кезең үшін таңдаған «Күзгі мұң» әнін 2013 жылы «I am a singer» байқауында қытайлық әнші Ша Баолян орындаған болатын.
Димаштың анасы Светлана Айтбаева байқау кезінде ұлының қазақ тілінде де ән салатынын айтты.
https://www.youtube.com/watch?v=A3f6T1Oa4bo