“Тағы да күзетшілер мен құрылысшылар”. Астанада жаппай төбелес болды (видео)
Желіде Астанадағы жоғары оқу орыны маңында күзетшілер мен құрылысшылардың төбелескені түскен видео жарияланды. Видеода көрініп тұрғандай, жаппай төбелеске, шамамен, 20 шақты адам қатысқан. Жазбадан былапыт сөз бен айғайды естуге болады.
Қалалық ІІД өкілдерінен осыған қатысты жауап ала алдық, – деп хабарлайды Tengrinews.kz.
“Екі жұмысшы (Қазақстан азаматтарының) құрылыс нысанында дене жарақаттарын салуға қатысты арызданып, оған қатысты ҚР Қылмыстық кодексінің 293-бабы, яғни, “Бұзақылық” бойынша сотқа дейінгі тергеу жүріп жатыр. Сот-медициналық сараптама тағайындалды. Тергеу жүріп жатыр”, – деді Астананың ішкі істер департаментінің өкілдері.
Полицияның мәліметінше, күзет қызметкерлері мен құрылысшылар бастапқыда сөзге келіп қалған, кейін төбелескен. Күдіктілер анықталып, жедел тергеу шаралары жүріп жатыр.
Еске сала кетелік, Астанада салынып жатқан Абу-Даби Плаза құрылыс нысанында да бір ай бұрын күзетшілер мен құрылысшылар төбелескен болатын. Бірақ ол арадағы құрылысшылар шетелдік азаматтар еді, яғни, Үндістан азаматтары.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе