Әншілер сахна алдына шыққанда түрлі жағдайларға тап болады. Және ең қиыны – көрермендердің әншіні түсіріп тұрған ұялы телефондары. Тікелей эфир болмаса, шоу бағдарламаларда монтаж арқылы түзетіп, алып тастауға болатын дүниелер бұл жағдайда көмектеспейді.
Мәселен, танымал әнші, елдің еркесі Мақпал Жүнісова. Биік өкшелі аяқ киім киемін деп, ән салып жатқан сәтінде сахна үстінде құлап, аяқ киімін шешіп тастап, ары қарай әнін жалғастыра берген. Дәл осы сәтті тыңдармандардың бірі бейнеге түсіріп желіге жүктеп те үлгерген. Аталмыш видео Қазнетті біраз шулатқан еді.
Ал осы жолы Қазнетті шулатқан әнші Ернар Айдар. Сахнада құлап жатыр, жанында дәрігерлер бар. Бәлкім, әлдебір қойылым болар деп өздерін жұбатуда әншінің тыңдармандары.