“Супер би”. Жалаңаяқ би билеген Жанар Айжанова 100 доллар ұтып алды (видео)
Күні кеше тойда жалаң аяқ үнді биін билеп жүрген Жанар Айжанованың видеосы желіде қызу талқыланған болатын. Отқа май құйғандай әнші желіге тағы бір видеосын жүктеп қойды. Осы жолы үнді биі емес, лезгинкадан жіберген екен.
Таралған видео Өмірқұл Айниязовтың 40 жасқа толған тойында болған екен. Бар күшін салып, терлеп-тепшіп билеген Жанар апамыздың себебі мынада болып шықты:
“Құдай-ай, Өмірқұлдың 40 жасында би жарысқа қатысып, 100 доллар ұтып алған едім, хит болдым. Көрсетпей жасырып жүрсем, Өмірқұл парақшасына баяғыда салып қойыпты. Мынау соның жалғасы. “Ішкен ас түске дейін жетпейді, ықылас өмір бойы естен кетпейді” деген, барымды салып билеп, сүбелі үлес қостым осылай. Алла бұйырса, Өмеш 50 жасқа толып той жасаса Ұлықпанмен “Қара жорға” билеп, 500 доллар ұтып алсам деген есек дәмем бар”, – деп жазады Жанар Айжанова.
Әншінің парақшасына жазылған оқырмандары да әдемі тілектерін жаудырып жатты:
“Ұялмай билеу де бір өнер ғой, жарайсыз маған ұнады”, “Грузиндер сіздің қасыңызда қалып кетті”, “Әпке, биді шашады екенсіз”,”Супер би”, – деп пікір білдірді олар.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе