Сорос әлеуметтік желілерді адамзатқа төнген қауіп деп атады
Инвестор Джордж Сорос Facebook пен Google-ді қазіргі қоғамға төніп тұрған қауіп екенін айтты, деп хабарлайды Baq.kz ақпарат агенттігі lenta.ru-ға сілтеме жасап.
Сорос Давостағы дүниежүзілік экономикалық форумда интернет-алпауыттарының адамдарды басқаруға және оларды өз өнімдеріне тәуелді етуі үшін заманауи демократияға қауіп төндіре отырып, қатал саясат жүргізуге құқықтары жоқ екенін айтты.
Мультимиллионер атап өткендей, интернет-алпауыттар казино сияқты өз клиенттерін құмарлыққа тәуелді етуде. Оның айтуынша, бұл өз кезегінде көптеген желі қолданушыларының таңдау еркіндігі мен ой-санасының саулығына да зор қауіп төндірмек.
«Монополиялық дистрибьютерлерге айналуы оларды қоғамдық құрал қатарына қосады. Олар инновацияның дамуы үшін әділ әрі ашық қоложетімділікті және бәсекелестікті сақтауға бағытталған қатаң талаптарға бағынуы тиіс», – деп есептейтінін жеткізді Сорос.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе