Синоптиктер: Желтоқсанда күн жылы болады
«Қазгидромет» РМК желтоқсан айына арналған ауа райы болжамын жариялады, деп хабарлайды ҚазАқпарат.
Алдын ала болжам бойынша айдың алғашқы онкүндігінде ауа ағымдарының ықпалы болады. Оның салдарынан еліміздің барлық аймақтарында ауа райы жауын-шашынсыз болып, түнде және таңертең тұман түсуі ықтимал. Ауа температурасы батыста түнде 2-12 градус суық, күндіз 2-3 градус жылы болады. Ал, солтүстік, орталық және шығыста ауа температурасы түнде 10-20 градусқа, күндіз 2-10 градусқа дейін төмендейді.
Тек еліміздің оңтүстік бөлігіне айдың басында циклон ықпал етіп, жауын- шашын болжанады. Ауа температурасы онкүндік бойы түнде 5-15 градусқа, күндіз 0-5 градус шамасында болып, кей жерлерде күннің жылынуы байқалуы мүмкін.
Ұзақ мерзімге болжам бойынша, екінші онкүндіктің басында және соңында, сондай-ақ үшінші онкүндіктің соңында үш салқын ауа толқындары болуы ықтимал. Арктикалық теңізден енетін суық ауа ағымдарының салдарынан еліміздің солтүстік-шығыс бөлігінде екінші онкүндікте күн суытып түнде ауа температурасы 25-35 градусқа, күндіз 15…20 аязға дейін төмендейді.
Желтоқсан айында орташа айлық температурасы климаттық мәндерге жақын болады, тек Маңғыстау, Қызылорда және Оңтүстік Қазақстан облыстарында мөлшерден төмен болмақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе