Синоптиктер желіде тарап кеткен мәліметті жоққа шығарды
Әлеуметтік желіде Павлодардағы Затон ықшам ауданында азот диоксидінің шамадан тыс артып кеткені туралы хабар таралды.
Алайда метеорологтар бұл экология бекетіндегі ақауға байланысты бұрыс шыққан, деп хабарлайды ҚазАқпарат.
«Павлодардың Затон ықшам ауданындағы экология бекеті жұмыс істемейді, ол қазір жөнделіп жатыр. Сондықтан желі арқылы тарап жатқан ақпараттар жалған. Бірақ прибордағы қате ақпарат AirKZ мобильдік қосымшасына тарап кеткен. Қосымша жұрттың бәріне бірдей қолжетімді болғандықтан жария болды», – дейді «Қазгидромет» РМК Павлодар облыстық филиалының қоршаған орта жағдайын бақылау зертханасының бастығы Алла Левина.
Кеше кешке әлеуметтік желіде Павлодардың Затон ықшам ауданындағы экобекеттің ауа сапасын өлшеу құралы азот диоксиді мөлшері шамадан тыс артқанын көрсеткен.
Айта кетейік, азот тотығы, әсіресе азот диоксиді – қаладағы атмосфералық ауаны ластайтын негізгі газдардың бірі.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз