Шымкентте қала ішінде қатынайтын автобус жолаушыларын түсіріп болған соң көп ұзамай ғимаратқа барып соғылған.
Шымкентте №103 бағыттағы автобус Түркістан көшесіндегі ғимаратқа барып соғылды, Құдай сақтап, оның ішінде адамдар болмаған деп хабарлайды «Отырар ТВ».
Жолаушылар таситын автобус жүргізушісі пештің істен шыққанын аңғарып, жұмысын кілт тоқтатып, жолаушыларды түсіріп тастайды. Сөйтіп көлікті жөндеу үшін базаға бара жатады. Бірақ жолда автобустың тежегіші істен шығып, ол тоқтай алмайды. Ақыры жүргізуші адамдар жоқ бір бос ғимаратқа соғылып, тоқтауды жөн көреді.