“Бензин қымбат”. Шымкенттің әкімі не істегенін білесіз бе?
Мемлекеттік қызметкерлердің қызметтік көліктері бір ай бойына Шымкент әкімшілігінің көлік тұрағында орналастырылады.
Шымкенттің әкімі Ғабидулла Әбдірахымов өңірдегі мемлекеттік қызметкерлерге бір ай бойы қызметтік автокөлікті пайдалануға тыйым салды. Бұл уақыт аралығында олар қоғамдық көлікпен жүреді, деп хабарлайды аймақтық “Отырар” сайты.
“Жол қозғалысы ережесін және кестені сақтауға қатысты мәселені біз бұған дейін де бірнеше рет көтерген болатынбыз. Автобустардағы жолаушылардың көптігі, жүргізушілер мен кондукторлардың әдепсіздіктері, автобус салондарының тазалығы мәселесін де әлденеше рет қарастырдық… Әр кезде маған проблеманың шешілетіні туралы уәж айтылатын”, — деп аймақтық портал Әбдірахымовтың сөзіне сілтеме жасайды.
“Яғни, біз бұл жағдайды толық бақылауға алмағанбыз. Осыған орай ендігі кезде мәселені басқаша қарастырамыз “, — деп жалғастырды өз сөзін әкім.
Қызметтік көлікті пайдалануға тыйым салу мерзімі бір айға созылады. Ол қала әкімі, оның орынбасарлары, бөлім басшылары, аудандық әкімдер, олардың орынбасарлары, сондай-ақ коммуналдық шаруашылықтар мен мекемелердің басшыларына қатысты болады.
Қызметтік көліктердің барлығы Шымкент әкімдігінің автотұрағына қойылды. Сонымен қатар, Әбдірахымов жиналыстар мен кездесулердің санын азайтып, оның орнына қазіргі заманғы телефон және селектор байланыс құралдарын белсенді пайдалануға шақырды.
Ал қызметкерлер бұл істі қызық көрсе керек, бірден желіге автобуста тұрған суреттерін жариялап жатты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе