Шымкенттіктерді таңқалдырған барыс ұрғашы екен (видео)
«Алтын дән» демалыс орнының жанындағы Наутсай шатқалына кіріп кеткен барыс шымкенттіктерді тағы таңғалдырды. Жергілікті тұрғындар жануардың отбасына тағы бір барыс қосылатынын білді.
Бұл туралы TVK арнасына сілтеп Stan.kz ақпараттық агенттігі хабарлайды.
Яғни, елді шулатқан барыс ұрпақ күтіп жүрген ұрғашы болып шықты. Мұны Сайрам-Өгем ұлттық саябағының қызметкерлері анықтады.
«Телеарнадан шыққан сюжеттен кейін жаңа дерек анықталды. Барыс біздің камераға түсіп қалды, кадрлардан оның буаз екенін аңғару қиын емес. Ішінің үлкейіп кеткені және қиналып жүргені көрініп тұрды. Ұлттық саябақта барыстың көбеюі өте жақсы нәрсе», – дейді Ескен Орақбаев.
Алдағы уақытта жануарлар әлемін қорғау басқармасының қызметкерлері ұрғашының денсаулығын бақылауда ұстамақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе