Шымкенттіктерді «өзбектер» депті. Атыраулық жанкүйерлер таяқ жеді
«Атырау» футбол клубының жанкүйерлері шымкенттіктердің ашуына тиді. Шымкентке келген оларды жергілікті тұрғындар соққының астына алды, деп хабарлайды «NewTimes.kz».
@v_shymkente парақшасында атыраулықтар мен шымкенттік жанкүйерлердің әрекеті қызу талқыланып жатыр.
Бұл оқиғаға «Атырау» футбол клубының ВКонтакте желісіндегі хабарландыруы себеп болыпты. Онда шымкенттік «Ордабасы» клубы мен атыраулық футболшылардың кезекті матчы Шымкентте өтетіні жарияланған. Хабарландырудың соңында жазылған «Өзбекстанға қонаққа барамыз» деген жазба шымкенттіктерге жақпай қалған.
Жексенбі күні қос клубтың кездесуі өткен соң «Өзбекстан» деген жазуы үшін атыраулықтар соққыға жығылды. Бұл сәттің видеосын көрген желі қолданушылары соққыға жығылған қонақтардың өздерін кінәлап, Шымкент ешқандай да өзбек ұлтының мекені еместігін алға тартты. Айтпақшы, төбелеске себеп болған шулы хабарландыру бүгінде ВКонтакте желісінен алып тасталған.
https://youtu.be/f9Ae_6hcnc0
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе