Шымкенттік оқушы Болгариядағы олимпиадада алтын медаль ұтып алды
Шымкенттік оқушы Бекарыс Бегәдiлла Болгарияда өткен халықаралық пән олимпиадасына қатысып, алтын медаль жеңіп алды.
Бұл туралы ҚазАқпарат хабарлады.
Әлем елдері оқушыларының басын қосатын дәстүрлі олимпиада мектеп оқушылары арасында физика-математика ғылымдарын насихаттау, халықаралық ынтымақтастықты дамыту мақсатында ұйымдастырылған болатын. Алыс та жақын шет елдердегі арнайы мамандандырылған мектептердің шәкірттері өз білім деңгейлерін көрсетті.
Осындай білім бәсекесінде Шымкенттегi №23 мектептің оқушысы қатарластарынан оқ бойы озып шығып, 1-ші орынды жеңіп алды.
Айта кетейік, бiлiмге құштар жеткiншек математика пәні бойынша бірнеше білім сайыстарына қатысып, жақсы нәтижелерге қол жеткізуде. Оны түрлi байқауларға дайындап жүрген ұстазы Ольга Ивановна.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе