Нұр-Сұлтан
Қазір
4
Ертең
6
USD
430
-2.45
EUR
505
-1.23
RUB
5.55
+0.03

Шымкентте велосипед жөндеп отырған баланы адасқан оқ мерт қылды

9 наурыз күні Шымкентте Ворошиловка ауданында көршілер арасында өзара ұрыс-керістің салдарынан атыс болған. Халық арасында белгілі, бұл ауданда көп жылдардан бері есірткі саудасы жүргізіліп келеді. Атыс салдарынан 14 жастағы жасөспірім қаза тауып, екі жігіт әртүрлі жарақатпен ауруханаға жатқызылды. Келесі күні полицейлер төрт күдіктінің біреуін ұстаған, ол Жамбыл облысына қашып кетіпті. Қаза тапқан жасөспірімнің ағасы, 16 жастағы Агит көптеген жарақат алып, өлім аузынан қалған, ол есінде қалғанын айтып берді.

“Баурыма оқ атты, мен жүгіріп бардым. Оны құшағыма алғанымда, арқамнан оқ атты. Сосын есімнен танып қалдым, кімнің атқанын көрген жоқпын”, — дейді Агит.

Полиция анықтағандай, қылмыскерлер туыстардың бірімен есеп айырысуға келеді, бірақ әуелі балаларға кез болған.

Оңтүстік Қазақстан облысы ІІД ресми өкілі Салтанат Қаракөзованың айтуынша, күдіктілердің саны – төртеу. Жамбыл облысы, Қордай ауданында ұсталған 31 жастағы ер адам бұдан бұрын ұрлық жасағаны үшін сотталыпты. Ол кінәсін мойындап, оқиғаның себептерін айтып берді. Қазір полиция басқа күдіктілерді іздестіріп жатыр.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз